Frá fuglaskoðun á leirum Neskaupstaðar og Reyðarfjarðar 8. maí 2004
Uppfært 13/05/04

Fuglaskoðun í Neskaupstað

Fuglaskoðun á Reyðarfirði

Frá fuglaskoðun á leirum í Neskaupstað
Klukkan 11 laugardaginn 8. maí viðraði ekki vel til fuglaskoðunar vegna óþarflega mikillar rigningar. Samt mættu um tólf mans að ósi Norðfjarðarár og skoðuðu fugla í fjarsjá Náttúrustofu Austurlands undir regnhlíf. Guðrún Á. Jónsdóttir, Erlín Emma Jóhannsdóttir og Skarphéðinn G. Þórisson mættu fyrir hönd Náttúrustofunnar. Sami fjöldi fuglategunda sást og í fyrra með því fráviki að nú sást dílaskarfur en engin álft.  Samtals sáust 27 tegundir á Norðfirði: Fýll, dílaskarfur, grágæs, rauðhöfðaönd
stokkönd, urtönd, skúfönd, æður, hávella, tjaldur, sandlóa, heiðlóa, lóuþræll, sendlingur, spói, jaðrakan, stelkur, hrossagaukur, hettumáfur, rita, silfurmáfur, svartbakur, sílamáfur, kría, þúfutittlingur, maríuerla og hrafn.  Meðfylgjandi myndir tók Skarphéðinn G. Þórisson í Neskaupstað sl. laugardag

 
Fuglaskoðarar
Ljósm: Skarphéðinn G. Þórisson

Hávellubliki í sumarbúningi
Ljósm: Skarphéðinn G. Þórisson

Óvenju margar hávellur voru á Norðfirði og sumir blikar enn
í vetrarbúningi
Ljósm: Skarphéðinn G. Þórisson

Æðarbliki í höfninni
Ljósm: Skarphéðinn G. Þórisson

Æðarkolla í höfninni
Ljósm: Skarphéðinn G. Þórisson

Ungur silfurmáfur á gömlu bryggjustaur
Ljósm: Skarphéðinn G. Þórisson

Frá fuglaskoðun á leirum í Reyðarfirði
Laugardaginn 8. maí 2004 var haldið til fuglaskoðunar á leirunni á Reyðarfirði sem stóð yfir frá kl. 11:00 til 13:00 í kalsarigningu og sá Halldór Walter Stefánsson.   Alls mættu 18 þrátt fyrir frekar lélegt veður og höfðu sumir að orði að búast hefði mátt við messufalli.  Þetta voru menn á öllum aldri og kjarninn hinn gróni hópur sem ætið mætir.

Afar fáa fugla var að sjá á leirunni sjálfri sem þátttakendur vildu kenna þeim miklu breytingum um sem þar hafa orðið.  Þó voru flestar tegundir mættar af þeim sem hafa sést í fyrri skoðunum sem helstar skal nefna; heiðlóu, sandlóu, stelk, tjald, spói, hrossagauk, sendling, tildru, silfurmáf, hettumáf, fýl, ritu, æður, stokkönd, hávellu, skúfönd (sást fyrr um morguninn), grágæs (m.a. með hreiður) og undir lokin mættu kríur.  Líklega má kenna veðri um að ekki sáust fleiri tegundir en allir voru sáttir og staðráðnir að mæta að ári.

Nánar má lesa um fuglaskoðunina á Reyðarfirði og skoða myndir þaðan á vef Ferðafélags fjarðamanna

© Náttúrustofa Austurlands   
Mýrargötu 10,   740 Neskaupstað,  Sími: (+354) 477-1774,  Símbréf: (+354) 477-1923 
Kennitala: 461094-2529 , Netfang: na@na.is
Miðvangi 2,   700 Egilsstaðir,   Sími: (+354) 471-2813, Símbréf (+354) 471-2172
Bannað er að afrita myndir af vef þessum nema með skriflegu leyfi frá Náttúrustofu Austurlands