Þessa síðu er EKKI gott að skoða í Internet Explorer. Prófaðu Google Chrome, Firefox eða aðra vafra. Hér getur þú fylgst með Stínu,sem var merkt við Kristínarkíl, skammt frá Kárahnjúkavegi þann 21. mars 2010. Ekkert hefur heyrst í Stínu síðan 5. ágúst 2010. Vinstra megin er hægt að kveikja og slökkva á Stínu og skoða þannig ferðir hennar eftir mánuðum. Með því að smella á möppurnar má opna og loka þeim og skoða nánar ferðalög eftir dögum. Einungis eru sýndar tvær staðsetningar á dag, en línurnar sýna nákvæmar ferðalög Stínu á milli punktanna. Undirlagi kortsins má breyta með því að smella á mismunandi hnappa efst til hægri á kortinu sjálfu. Þá er hægt að ferðast að og frá með músarhjólinu.
Þær Erlín Emma Jóhannsdóttir og Gerður Guðmundsdóttir starfsmenn Náttúrustofu Austurlands tóku að sér að kynna nemendum í Lífsleikni 103 og 203 fyrir náttúrunni í þeirra nánasta umhverfi.
Farið var í gönguferð frá húsnæði Búlandsins í Neskaupstað og upp í skógrækt. Fengu nemendurnir það verkefni að skrifa lýsingu af gönguleiðinni og þeirri upplifun sem þau urðu fyrir í þessari kennslustund. Áttu þau að skrá niður hvaða dýr og plöntur þau sáu, spá í liti og hljóð í umhverfinu og almennt í náttúruna.
Þær Elísabet Halla Konráðsdóttir og Bylgja Hálfdánardóttir fundu fiðrildi við Víðimýri 13 á Norðfirði. Fiðrildið reyndist vera gulygla (Noctua pronuba). Gulyglur lifa á íslandi en þær geta einnig borist hingað sem flækingar. Þetta eru fremur stór fiðrildi en lirfurnar dveljast neðanjarðar á daginn en koma fram á nóttunni og nærast á ýmiss konar jurtum. Þar sem þær eru í miklu magni geta þær skemmt uppskeru á ökrum og í görðum. Nýlega fannst dauð gulygla á Hornströndum sjá frétt á vef Náttúrustofu Vestfjarða www.nave.is
Samkvæmt því sem lesa má á vefnum hreindyr.is náðist góður árangur í hreindýraveiðum þetta haustið ef horft er til þess að tíðafar var erfitt. Felld voru 1319 dýr en veiðikvótinn var 1333 dýr. Að sögn leiðsögumanna með hreindýraveiðum eru veiðimenn margir hverjir búnir að fá að hafa fyrir því að ná í dýrin sín og er þetta veiðitímabil búið að vera erfiðara en síðastliðin þrjú ár aðallega þó hvað varðar veðurfar. Á síðustu vikunni gekk mönnum þó vel að veiða enda veðrið með besta móti. Á svæðum 3, 4 og 6 náðist að veiða upp í kvótann, með því að smella hér má komast inn vefinn hreindyr.is og á töflur sem sýna stöðu veiðanna eftir hvert 7 daga tímabil.
Þessi vespa flaug inn um svalahurð í Neskaupstað þann 9.sept síðastliðinn. Um er að ræða sníkjuvespu af ættkvíslinni Ichneumon (karldýr). Kvendýrin eru oft með mjög langa varppípu sem þær bora inn í lirfur t.d fiðrilda og tvívængna en einnig köngulóa og verpa eggjum sínum þar.
Í sumar var farið í tvær ferðir á hálendið í kringum Hálslón og nágrenni í til að athuga með gróðurreiti sem Náttúrustofan setti þar upp á árunum 2006-2008. Gróðurreitirnir eru hluti af langtíma vöktunarverkefni þar sem fylgst er með hugsanlegum breytingum á gróðurfari á áhrifasvæði Hálóns.
Samkvæmt því sem lesa má á vefnum 
Í sumar var farið í tvær ferðir á hálendið í kringum Hálslón og nágrenni í til að athuga með gróðurreiti sem Náttúrustofan setti þar upp á árunum 2006-2008. Gróðurreitirnir eru hluti af langtíma vöktunarverkefni þar sem fylgst er með hugsanlegum breytingum á gróðurfari á áhrifasvæði Hálóns.