Snæugla
Örfáar snæuglur sjást á Íslandi á hverju ári en afskaplega sjaldgæft er að þær reyni varp hér. Aðal ástæða þess er að öllum líkindum skortur á heppilegri fæðu. Í sumar hefur frést af tveimur snæuglum á Austurlandi og fylgja hér með nokkrar myndir af annarri þeirra. Snæuglan er náttúrulega alfriðuð og þeir sem rekast á þennan sjaldgæfa fugl eru beðnir um að láta starfsmenn Náttúrustofunnar vita.
Snæuglan er sjaldgæfur varpfugl í Noregi. Til að afla ítarlegra upplýsinga um þær hafa Norðmenn hengt senditæki á nokkra fugla. Niðurstöður þess og fleira fróðlegt má finna á eftirfarandi heimasíðum.
Heimasíða NRK og á heimasíðu Norsk Ornitologisk Forening
