Áður auglýst fjölskylduganga í Hólmanes fellur niður vegna veðurs.
Náttúrugripasafnið
Náttúrugripasafnið í Neskaupstað verður opið frá kl. 13:00 – 17:00. Safnið er til húsa að Egilsbraut 2,
ásamt Sjóminja- og smiðjumunasafni Jósafats Hinrikssonar og Myndlistarsafni Tryggva Ólafssonar.
Dagur íslenskrar náttúru verður haldinn hátíðlegur í þriðja sinn mánudaginn 16. september. Deginum er ætlað að vekja athygli á mikilvægi íslenskrar náttúru. Í tilefni dagsins verður boðið upp á fjölbreytta dagskrá um allt land. Á Austurlandi verður:
Sunnudaginn 18. ágúst 2013 óku vegfarendur fram á ungan dílaskarf við þéttbýlið á Egilsstöðum þar sem hann var á vappi innan um bílaumferð. Það voru þau Maríanna Magnúsdóttir og Sigurður Helgi Magnússon sem komu fuglinum til bjargar. Eftir að hafa metið aðstæður og séð í hvaða óefni skarfurinn var kominn í, var hann snarlega umvafinn teppi og settur í hundabúr og ekið með hann að Lagarfljóti þar sem honum var sleppt. Á meðfylgjandi myndum má sjá fuglinn þar sem hann var björguninni og frelsinu feginn.
Kristín Ágústsdóttir starfsmaður Náttúrustofu Austurlands snýr nú til starfa á ný eftir tveggja ára námsleyfi. Hún lauk í vor mastersnámi i eðlisrænni landafræði og vistkerfisgreiningum með áherslu á landupplýsingatækni við háskólann í Lundi í Svíþjóð.
Í lokaverkefni sínu skoðaði Kristín tengsl makrílveiðistaða á Íslandsmiðum frá 2007-2012 við mimsmunandi gervitunglabreytur. Meginmarkmiðið var að afla upplýsinga
fyrir mögulegar fiskiveiðispár, sem geta stuðlað að minni orkunotkun fiskiskipa.
Á morgunblaðsvefnum er nú (16.8.2013) frétt um rostung við Breiðamerkurlón. http://www.mbl.is/frettir/innlent/2013/08/16/rostungur_i_jokulsarloni/
Þegar hann er borinn saman við rostunginn sem sást á Reyðarfirði fyrr í sumar sést að þar er um sama einstaklinginn að öllum líkindum að ræða, alla vega eru tennur jafn langar og sú vinstri aðeins styttri. Þetta sést þegar bornar eru saman myndir af moggavefnum og myndir sem Kristján Svavarsson tók af Reyðarfjarðarrostungnum.
Er hægt að nota gervitunglagögn til að ákvarða líklega veiðistaði makríls?
Kristín Ágústsdóttir starfsmaður Náttúrustofu Austurlands og Marsýnar fjallar um rannsóknaverkefni sitt
við háskólann í Lundi í Svíþjóð, um tengsl milli veiðistaða makríls (Scomber scombrus) á Íslandsmiðum
og fjarkönnunargagnafrá gervitunglum.
Þriðjudaginn 20. ágúst kl. 20.00 í Kreml, Egilsbraut 11
Allir eru velkomnir og aðgangur er ókeypis þökk sé styrk frá SÚN
Kaffi og kleinur !