Svartbakur (Larus marinus)
Svartbakur er stærstur íslenskra máfa. Hann getur vegið rúmlega tvö kílógrömm og vænghaf hans getur orðið allt að rúmlega einn og hálfur metri. Svartbakur er tignarlegur að sjá og flýgur með hægum, kraftmiklum vængjatökum.
Svartbakurinn er afar duglegur við veiðar og er því stundum kallaður veiðibjalla. Hann sækir stundum í lífrænan úrgang, m.a. frá sjávarútvegi og sláturhúsum, við lítinn fögnuð okkar mannanna.
Nánar má lesa um svartbakinn á Íslenska fuglavefnum og Vísindavefnum.