Tildra (Arenaria interpres)
Tildran dregur nafn sitt á mörgum tungumálum af því hvernig hún veltir til steinum og þangi í fjörunni í leit að æti. Þannig er t.á.m. enska heitið ruddy turnstone og danska heitið stenvender tilkomið.
Í gamla daga gat nafnorðið tildra þýtt óvönduð hleðsla á íslensku og sögnin að tildra þýtt að smíða eitthvað óvandlega, færa eitthvað til eða hrófla e-u upp. Það gæti verið að tildran dragi nafn sitt af því.
Tildran verpir ekki hér á landi heldur er heimsókn hennar hér eins konar millilending á leiðinni á varpstöðvarnar sem eru m.a. á Grænlandi. Einhver hluti tildrustofnsins heldur þó til hér yfir veturinn.
Nánar má lesa um tildruna á Íslenska fuglavefnum og Vísindavefnum.