Stunning Instagram Logo Vector Free Download 43 For New Logo with Instagram Logo Vector Free Download 1 1024x1024 fb40x40 unionjack

2018 Ester LogoNA PDF vefstr

logona314

Fuglafréttir 2006

03.10. 2006 Gransöngvararnir gleðja
Tíu til fimmtán gransöngvarar (Phylloscopus collybita) hafa glatt bæjarbúa í Neskaupstað í  vikunni þar sem þeir hafa verið iðnir við að hreinsa grenilús af trjám, m.a. á Mýrargötunni.  Einnig hefur sést til hettusöngvara (Sylvia atricapilla), svartþrasta (Turdus merula) og auðnutittlinga (Carduelis flammea).

Af hverju heitir auðnutittlingur auðnutittlingur?  Lesið svarið á Vísindavef Háskóla Íslands.  Frekari fróðleik um auðnutittling má lesa hér og skemmtilegar myndir má sjá hér.  

 

26.10. 2006 Hettusöngvari í miðbæ Neskaupstaðar
Hettusöngvari (Sylvia atricapilla) sást í morgun í garði í miðbæ Neskaupstaðar.  Hér má sjá nokkrar íslenskar myndir af hettusöngvurum og hér má lesa örlítinn fróðleik um hettusöngvara.

01.06.2006  Bæjasvala
Bæjasvala sást út á bökkum (Marbakka) á Norðfirði þann 30.05

08.05.2006  Kanadagæsir
Tvær kanadagæsir sáust á Norðfirði um helgina og svo aftur í morgun

08.05.2006  Fuglapistill frá Eddu á Miðhúsum
Í gær fór ég í gönguferð út í Héraðssand, fór að vísu ekki út á sjálfan sandinn vegna mikils vatns á flæðunumm en kost út undir Torfur meðfram Lagarfljótinu.  Þar sá ég fyrsta spóaparið í ár.  Þá var steindipilinn mættur í fjárhúsið á Grænmó, en ekki vottaði  fyrir fálkasetri þar í ár en í fyrra var þar setur á þessum tíma.  Lítið var um kjóa og engan skúm sá ég og ekki eina einustu kríu.  Fór síðan upp að Matseljutjörn á Hjaltastað og þar sá ég fyrstu kríurnar tvær saman sem görguðu af hjartans list.  Sex flórgoðar voru mættir á tjörnina og nokkrar duggegndur.  Flórgoðarnir voru með ýmis tilþrif á vatninu.

Á sunnudag fór ég suður á Hornafjörð og á túninu á Starmýri sá ég hóp af heiðargæsum þar sem ljós gæs var með í för.  Í hópnum var líka einn helsingi.

Í trjálundinum við Brekku í Lóni sá ég 6 landsvölur sem léku listir sínar.  Út við Gónhól á Höfn var allt fullt af þreyttum kríum.

04.05.2006   Lundinn kominn í Skrúð
Lundinn sást í Skrúð 26. apríl síðastliðinn það var Páll Leifsson sem sá hann og tilkinnti.

26.04.2006   Gulendur á Norðfirði
Sex gulendur sáust, þrjú pör, sáust á leirunni norðan við flugvöllinn í Neskaupstað á mánudaginn 24. apríl.

26.04.2006   Af farfuglum á Vattarnesi og lóum á Mjóeyri
Páll Leifsson á Eskifirði hefur fylgst með fuglalífi á Vattarnesi undanfarið.

Föstudaginn 21. apríl taldi hann eftirfarandi fugla þar:
16 Heiðagæsir á túninu við Vattarnes
190 helsingjar
28 grágæsir
2 landsvölur
1 maríuerla í Vattarnesskriðum
22 hrossagaukar
27 heiðlóur
150 skógarþrestir, flestir í fjörunni
39 tildrur og 110 sendlingar í fjörunni
250 fýlar og 20 sílamáfar í klettum ofan við Vattarnes
2 svartbakar
1 himbrimi
21 hávella
170 æður
Undir myrkur fóru stórir hópar af Helsingja og heiðagæs suður með landi í átt að Skrúð og Andey. 1 hópur fór inn í Fáskrúðsfjörð
Þá flugu sex hópar, um það bil 1800 fuglar,  af helsingja inn í Reyðarfjörðinn á milli hálffimm og sjö um kvöldið.   Einnig töluvert af heiðagæs eða um 300 fuglar í 2 hópum

Mánudaginn 24. apríl komu 24 jaðrakanar fljúgandi og settust á túnið á Vattarnesi.

Þriðjudaginn 25. apríl voru 30 urtendur í fjörunni á Vattanesi og 23 margæsir sem síðan fóru inn á Reyðarfjörð.

Húsráðendur á Mjóeyri heyrðu fyrst í lóunni á sumardaginn fyrsta og sáu hana daginn eftir á vappi á eyrinni.

09.03.2006   Tjaldurinn mættur í kaffi á Olís
Tjaldurinn er mættur á Norðfjörð, en hann sást við söluskála Olís snemma í morgun að því er virðist til að taka þátt í kaffispjallinu. 
Í gær sáust stelkar og má lesa um það á fulgasíðunni fugl.is , í frétt frá í gær, 8. mars 2006. 

 

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Bakkavegi 5
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir