Stunning Instagram Logo Vector Free Download 43 For New Logo with Instagram Logo Vector Free Download 1 1024x1024 fb40x40 unionjack

2018 Ester LogoNA PDF vefstr

logona314

Staðsetningartæki hengd um háls hreinkúa – ferðir Grímu (1920)

GrímaÍ febrúar og mars voru staðsetningartæki hengd um háls fimm kúa í Snæfellshjörð og tveggja í Álftafjarðarhjörð. Í hálskrögunum eru gps-staðsetningartæki sem staðsetja kýrnar á þriggja tíma fresti í rúm tvö ár. Upplýsingarnar eru síðan sendar sem SMS skilaboð. Núna og á næstunni verður sagt frá ferðum þeirra.

 

 

 

 

Gríma (1920): Náðist 15. Febrúar utan Hrafnafells í Fellum upp af Grímstorfu sem réði nafni hennar.
Gríma stutt utan við Ytri Sauðabanalæk 100 m frá veg á Fljótsdalsheiði í maí 2009.
Gríma stutt utan við Ytri Sauðabanalæk 100 m frá veg á Fljótsdalsheiði í maí 2009.

Ferðir Grímu frá febrúar til byrjun júlí í stuttu máli.
Í febrúar og  marsbyrjun hélt Gríma sig í Út-Fellum en fikraði sig síðan inn Fljótsdalinn og í lok apríl var hún komin inn að Axará á Fljótsdalsheiði. Í maí og fyrri hluta júní hélt hún sig mest utan og innan við Laugarfell en fór þá inn að Bergkvíslarnesi, yfir Þóriseyjar og inn í Þjófadali sunnan Snæfells. Þar hélt hún sig í nokkra daga í yfir 1000 m hæð. Þaðan skrapp hún niður að Eyjafelli og var þar um slóðir þar til þann 22. júní er hún hélt í vestur á Vesturöræfi. Þar gekk hún fram að mánaðarmótum og þann 29. júní var hún í um 300 dýra hópi hvar í var líka kýrin Hnefla (1923). Daginn eftir var hún aftur komin á Eyjabakkana og þegar þessari ferðasögu líkur þann 4. júlí er hún í Sauðaflóa á milli Sauða- og Laugarfells og nú eru hún og Hnefla ekki lengur í sömu hjörðinni.
Staðsetning Grímu
Staðsetningar á 1920 (Grímu) frá febrúar til 4. júlí – febrúar blár, mars fjólublár, apríl ljósfjólublár, maí ljósgrænt, júní grænt og júlí gult. Númer tákna síðustu staðsetningu þess dags.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Bakkavegi 5
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir